11 сентября 2015 г.
Кĕркуннехи пĕрремĕш уйăх çитсен ачаран асăмра юлнă "Ак çитрĕ сентябрь, илемлĕ сентябрь. Илемлĕ сентябрь - мĕнпур таврара..." сăвă йĕркине асаилетĕп, унпа пĕрлех тăван шкул, пĕрле вĕреннĕ тус-юлташ, учительсем куç умне тухса тăраççĕ. Шкулта вĕреннĕ çулсем кашни çыншăн чи çутă, асăмра юлакан вăхăтсем. Мĕн чухлĕ нумайрах пурăнатăн, ĕнерхи хаваслă ачалăх кунĕсем мĕн тери хаклă пулнине ăнланса илетĕн.
Пĕр класра вĕреннĕ юлташсем кăçал 54-55 çул тултараççĕ. 55 çул паллă тăвакансене саламласа çак сăнỹкерчĕке кăтартасшăн. 1971 çулхи кивĕ сăнỹкерчĕк çинче пирĕн класс, пирĕн пĕрремĕш вĕрентекен Мария Захаровна Яковлева.
Зоя АРТЕМЬЕВА.
Источник: "Пирěн пурнăç"