Публикации » Грипран вакцинаци пуçланнă

25 сентября 2015 г.

Çулсеренех, кĕркуннехи-хĕллехи тапхăрта, çынсем ОРВИ-пе тата гриппа чирленĕ тĕслĕхсем нумайланаççĕ. Ĕнерхи кун тĕлне районĕпе 80 çын ОРВИ-пе чирленине шута илнĕ, гриппа чирлекен хальлĕхе тĕл пулман. Юлашки çулсенче халăха грипран прививка тăвасси йăлана кĕчĕ. 2014 çулта çак чире хирĕç районта 6050 çынна прививка тунă. Профилактика прививкисен наци календарĕпе килĕшỹллĕн 2015 çулта 4800 çынна прививка тумалла, вăл шутра вĕренỹпе ача-пăча учрежденийĕсенчи 1000 вĕренекене. Хальхи вăхăтра район больницине гриппа кĕрешмелли "Гриппол плюс" вакцинăн пĕрремĕш партийĕ (502 штук) килсе çитнĕ, больница ĕçченĕ-сем 200 вĕренекене прививка тунă та ĕнтĕ.

А.ЗАМУТКИНА.

Источник: "Пирěн пурнăç"