25 сентября 2015 г.
РФ Вĕренỹпе ăслăлăх министерствин хушăвĕпе пĕтĕмĕшле пĕлỹ памалли программăсене улшăнусем кĕртнĕ. Пĕрремĕш класри ачасен пĕлĕвне тата килти ĕçсене балл памасăрах хаклаççĕ. Килти ĕçсене пурнăçлама вăхăт çапларах уйăрнă: 2-3-мĕш классенче - 1,5 сехет, 4-5-мĕш классенче - 2 сехет, 6-8-мĕш классенче - 2,5 сехет, 9-11-мĕш классенче - 3,5 сехет таран.
Çавăн пекех РФ Ĕç кодексĕн 64 статйин 5-мĕш пайне те улшăнусем кĕртнĕ. Вĕсемпе килĕшỹллĕн ĕçпе тивĕçтерекен гражданин заявленийĕпе унпа ĕç килĕшĕвĕ тума килĕшмесен çичĕ ĕç кунĕ хушшинче сăлтавне çырупа пĕлтерме тивĕç. Малтан конкретлă срока палăртман. Асăннă улшăнусем 2015 çулхи июлĕн 11-мĕшĕнчен вăя кĕчĕç.
Диана САВИНКИНА, район прокурорĕн пулăшуçи.
Источник: "Пирěн пурнăç"