30 сентября 2015 г.
Федераллă налук служби çитес çул хваттерсем, çуртсем тата гаражсем çине налук мĕнле пулассине каласа панă Хваттерсен, дачăсен, машинăсен тата çĕр лаптăкĕсен харпăрлăхçисем 2014 çулшăн налук уведомленийĕсемпе тỹлев хучĕсене алла илнĕ ĕнтĕ. Аса илтеретпĕр, налуксене октябрĕн 1-мĕшĕччен тỹлесе татмалла. Унсăр пуçне пенсионерсен харпăрлăхĕнче темиçешер хваттер, дача тата гараж пулсан, вĕсемшĕн те налук тỹлеме тивет. Хальччен пур пурлăхшăн та укçа тытман. 2015 çултан вара çăмăллăха пĕр хваттер, дача тата гараж кăна лекет. Палăртмалла, налуксене тỹлеме "Налук тỹлекен пайăр сăпатсен харпăр хăй пỹлĕмĕ" электронлă сервис меллĕ. Унта бюджет умĕнче мĕнле парăмсем пуррине, налук суммисене, мĕнле пурлăх пуррине пĕлме пулать. Налук квитанцийĕсене те çакăнтах илме, парăмсене тỹлесе татма май пур. Унпа усă курса ыйтусене те инспекцине каймасăрах татса пама пулать. Т.ЗЫКОВА.
Источник: "Пирěн пурнăç"