Публикации » Çывăракана пуртăпа вĕлернĕ

02 октября 2015 г.

Кив Атикасси ялĕнче пурăнакан 39 çулхи арçын 2015 çулхи мартăн 19-мĕшĕнче пĕр ялти 41 çулхи гражданин патĕнче хăнара пулнă, пĕрле эрех ĕçсе ларнă. Кил хуçи çывăрса кайнипе усă курса хăна ăна пуçĕнчен пуртăпа темиçе хутчен çапнă. Сурансене пула кил хуçи вырăнтах вилсе кайнă. Пуртăпа сулăнма кăмăллакан арçын вара преступлени тунă вырăнтан çухалнă, унтан хăйĕн çи-пуçне çунтарса янă. Апла пулин те преступлени тăвакана кĕске хушăра тытса чарма пултарнă. Суд приговорĕпе арçынна 8 çул та 6 уйăхлăха ирĕксĕр хăвармалла, çирĕп режимлă колоние ямалла тунă. Етĕрнери следстви уйрăмĕ.

Источник: "Пирěн пурнăç"