07 октября 2015 г.
Районта 2016 çулта ирттерме палăртнă ялхуçалăх çыравне хатĕрленесси туллин пурнăçланса пырать. Ăна ирттерме район администрацийĕн пуçлăхĕ йышăну кăларнă, комисси йышне çирĕплетнĕ. Пĕтĕм Раççейри 2016 çулхи ялхуçалăх çыравне хатĕрленсе ирттерес тĕллевпе районти статистика уйрăмĕ çумĕнче ятарлă çын вăй хурать. Кăçалах пысăк калăпăшлă ĕç пурнăçлама тивет: çырава хутшăнакансен, ялхуçалăх таварĕ туса илекенсен списокне, объектсене палăртса хатĕрлемелле. 2016 çулхи июлĕн 1-мĕшĕнчен пуçласа августăн 15-мĕшĕччен иртекен Пĕтĕм Раççейри ялхуçалăх çыравĕн тĕп тĕллевĕ - халăхăн пурнăç шайне тĕпчесси, ял халăхĕ мĕнле пурнăçпа пурăнать, ăçтан тупăш кĕрет, мĕн чухлĕ çĕрпе усă курать, мĕнле техника тытать, мĕнле тата мĕн чухлĕ выльăх-чĕрлĕх усрать, улма-çырла, пахчаçимĕç туса илет тата ытти те.
Октябрĕн 15-мĕшĕнче районта -Статистика кунĕ.
Районти статистика пайĕ.
Источник: "Пирěн пурнăç"