Публикации » Истори шайĕнче шухăшлама вĕрентет

09 октября 2015 г.

Альбина Владимировна Фадеева Питĕркассинчи вăтам шкулта 24 çул ĕçлет. 2007 çултанпа 5-9-мĕш классене истори тата тăван ен культурине вĕрентет. Унпа пĕрлех вăл - 11-мĕшсен класс ертỹçи те. Альбина Владимировна аслă классенчи ачасене истори пĕлтерĕшлĕ шухăшлама вĕрентессипе тимлет. Çак тĕллевпе вăл шкул ачисене урокра активлăрах пулма, тухăçлăрах ĕçлеме вĕрентет. Унăн вĕренекенĕ- сем хăйсем тĕллĕн те ĕçлеççĕ, хăйсен шухăшне палăртма вĕренеççĕ. Хальхи вăхăтра педагогăн ĕç кăтартăвне унăн вĕренекенĕсем патшалăх экзаменĕсенче мĕнле балсем пухнине, конкурссемпе олимпиадăсене хутшăннине кура хак параççĕ. Альбина Фадееван вĕренекенĕсем патшалăх экзаменĕсенче районти тата республикăри вăтам кăтартуран пысăкрах балсем пухаççĕ. Тĕрлĕ шайри конкурс-олимпиадăсене те тăтăшах хутшăнаççĕ. Акă, 2012-2013 вĕренỹ çулĕнче унăн вĕренекенĕ историпе республика шайĕнчи олимпиадăра иккĕмĕш вырăна тухма пултарнă. Вĕрентекен хăй те професси ăсталăхĕн тĕрлĕ конкурсĕсене хутшăнсах тăрать, республика шайĕнче те малти вырăнсене йышăнать. Ĕçне кура - хисепĕ. Тăрăшуллă вĕрентекенĕн ĕçне çĕршыв шайĕнче хаклани те çакнах çирĕплетет.

А.КАРПОВА.

Источник: "Пирěн пурнăç"