14 октября 2015 г.
Октябрĕн 7-мĕшĕнчен Пĕтĕм Раççейри "Халăх участковăйĕ" конкурсăн иккĕмĕш тапхăрĕ пуçланчĕ. Маларах сире пĕлтернĕччĕ ĕнтĕ, ку конкурса пирĕн районтан Хĕрлĕ Чутайри полици сотрудникĕ, Пантьăк тата Тралькасси ял тăрăхĕсене кĕрекен ялсен участковăйĕ Сергей Игоревич Герасимов хутшăнать. Вăл сентябрĕн 11-мĕшĕнчен пуçласа 20-мĕшĕччен пынă конкурсăн пĕрремĕш тапхăрĕ витĕр тухнă. Уншăн сасăлакансем сахал мар пулнă. Сасăлава хутшăнакансем вăл е ку участковăй миçе преступление уçнине, халăх ыйтăвĕ-сене мĕнле татса панине, çитĕнĕвĕсене, ĕçтешĕсем мĕнле хакланине пĕлме пултараççĕ. Конкурсăн иккĕмĕш тапхăрĕ октябрĕн 16-мĕшĕччен пырать, çавăнпа та чи лайăх участковăйшăн ЧР Шалти ĕçсен министерствин сайтне кĕрсе сасăлама пултаратăр. Иккĕмĕш тур сасăлавĕн кăтартăвĕ тăрăх чи лайăх участковăй çĕршыв шайĕнчи конкурса хутшăнать. Финалти сасăлав ноябрь уйăхĕн 1-10-мĕшĕсенче иртет. Район çыннисене активлăрах пулма чĕнетпĕр.
А.ДМИТРИЕВА.
Источник: "Пирěн пурнăç"