Публикации » Вăрçă ачисем пирки тĕпчев ĕçĕ хатĕрленĕ

28 октября 2015 г.

Питĕркассинчи вăтам шкулта 8-мĕш класра вĕренекен Анастасия Судакова тăтăшах тĕрлĕ конкурссене хутшăнать. Кăçал вăл Аслă Çĕнтерĕве 70 çул çитнине халалласа ялти тыл ĕçченĕсем пирки "Вăрçă ачисем" тĕпчев ĕçĕ хатĕрленĕ. Альбина Фадеева истори учителĕ пулăшнипе хĕрача хăйĕн ĕçĕпе Пĕтĕм Раççейри çамрăк туристсемпе таврапĕлỹçĕсен конкурсĕн республика шайĕн-чи тапхăрне хутшăннă. Нумаях пулмасть вара Анастасия Судакова çак конкурсра "Вăрçă историйĕ" номинацире малти вырăна тухни паллă пулнă. Халĕ унăн ĕçне конкурсăн Раççей шайĕнчи тапхăрне ярса панă, Анастасия унта та палăрасса шанатпăр. А.КАРПОВА.

Источник: "Пирěн пурнăç"