30 октября 2015 г.
.jpg "\"Лар, аннеçĕм, юнашар\"")
Октябрĕн 26-мĕшĕнче мăнэтменсем те Иван Гладких пьесине тĕпе хурса "Лар, аннеçĕм, юнашар" мелодрама лартса пачĕç.
Ялта пурăнакан амăшĕн пỹртне сутса ăна хулана илсе кайни, хĕрĕсем амăшĕн чун ыратăвне ăнланайманни инкекпе вĕçленме пултарнине Альбина Яхатина (Ненила), Эльвира Михеева (Матрена), Марина Михеева (Настасья), Екатерина Николаева (Ольга), Елена Яхатина (Надя), Анастасия Фондеркина (Олеся) кăтартса пачĕç. Альбина Яхатина амăшĕн рольне, Анастасия Фондеркина унăн мăнукĕн рольне ĕненмелле выляса панине палăртса хăварас килет.
Сăмах май, Мăн Этменти модельлĕ шутланакан Культура çуртĕнче куракансем нумаях марччĕ. Кĕрхи йĕпе-сапара ăшă пỹртрен тухса сивĕ клуба пырса ларасах килмен пулĕ çав çынсен. Çутă та хăтлă, ăшă клубра спектакль курма чылай лайăхрах та...
Алина КАРПОВА.