11 ноября 2015 г.
Çак ятпа регионсем хушшинче 5-мĕш хут иртнĕ конкурса пĕтĕмлетрĕç те нумаях пулмасть Чăваш кĕнеке издательствинче. Конкурсăн тĕп тĕллевĕ - çамрăксене чăваш кĕнекипе, литературипе интерес-лентересси, патриотизм туйăмне тата тăван тăрăха юратассине вăйлатасси. Конкурсăн пĕтĕмлетĕвĕпе çакна калама пулать: пирĕн районтан асăннă конкурсра Мишеркасси шкулĕнче вĕренекен Екатерина Степанова палăрчĕ. Екатерина 9 çулта, унăн вĕрентекенĕ - Наталия Станиславовна Семенова. Кăçал эпир çĕршывра Литература çулталăкĕ, Чăваш Енре - К.Ивановăн çулталăкĕ тата Чăваш кĕнеке издательствине 95 çул тесе палăртрăмăр пулин те пирĕн районта çамрăксем чăваш кĕнекине юратни палăрсах каймасть е, тен, аслисем (учительсем, библиотека ĕçченĕсем...) çамрăксемпе япăх ĕçлеççĕ?!
А.ОРИНОВА.
Источник: "Пирěн пурнăç"