13 ноября 2015 г.
Çĕнĕ шкулсем тăвассипе çыхăннă ыйту пирĕн Пар-тишĕн приоритетлисенчен пĕри шутланать. Раççейре çĕнĕ ача сачĕсем тумалли тата вĕсене юсаса çĕнетмелли программа - "Единая Россия" партин проекчĕ - аван пурнăçланса пырать. Палăртмалла, Чăваш Республики кунта ытти регионсем хушшинче лидер шутланать. "Нумаях та вăхăт иртмĕ, паян эпир пулăшнипе çĕкленекен ача сачĕсене çỹрекенсем шкула кайĕç. Вĕсен вара хальхи йышши вĕренỹ заведенийĕсенче пĕлỹ илмелле", - терĕ Канашлура Дмитрий Медведев. Çĕнĕ шкулсем тумалли программа валли укçа уйăрасси 2016 çулта пуçланать. Экономикăри йывăрлăхсене пăхмасăрах çакна валли малтанласа 50 миллиард тенкĕ уйăрĕç, çитес 10 çул хушшинче вара - виçĕ трлн тенкĕ, вĕсенчен икĕ трлн тенки - федераллă бюджетран. Çапла майпа çĕршыври пĕтĕмĕшле пĕлỹ паракан организацисенче 6,5 миллиона яхăн вырăн пулĕ. Асаилтеретĕп, юлашки 5 çулта Чăваш Енре çĕнĕ 5 шкул тунă. 2015 çулта Комсомольски районĕнче çĕнĕ шкул тума пуçланă. 2020 çул тĕлне вара республикăра пурĕпе 18 çĕнĕ шкул тума палăртнă. Çĕнĕ ача сачĕсем тумалли программа ăнăçлă пурнăçланса вĕçленсе пыни пире çĕнĕ шкулсем çĕклемелли программа та вăхăтра пурнăçланасса шанма май парать. Ку программăна пурнăçа кĕртессине "Единая Россия" парти тĕрĕслесе тăрĕ.
Николай МАЛОВ, "Единая Россия" партин регионти уйрăмĕн секретарĕ.
Источник: "Пирěн пурнăç"