13 ноября 2015 г.
Чăваш Енрен Президент полкне кашни çулах каяççĕ. Кăçал унта чи лайăх 10 призывник çар тивĕçне пурнăçлĕ. Вĕсем Мускаври Кремле сыхлĕç, патшалăх шайĕнче ирттерекен мероприятисене хутшăнĕç. Сỹнмен çулăм патĕнче хисеплĕ караулта тăрĕç. Чăваш Енри 10 призывника Президент полкне ноябрĕн 17-мĕшĕнче Канашри призыв пунктĕнчен ăсатĕç. Унта вĕсене савăнăçлă лару-тăрура çула кăларĕç. Савăнăçлă мероприятие призывниксем, вĕсен çемйисем, Тăван çĕршывăн Аслă вăрçин, Афганистанпа Чечен вăрçисен ветеранĕсем, кадетсем, Президент полкĕнче çар тивĕçне пурнăçланă 15 çын хутшăнĕç. Пирĕн районтан та Президент полкне каякан пур, вăл Хĕрлĕ Чутайри Кирилл Степанов. А.САН.
Источник: "Пирěн пурнăç"