13 ноября 2015 г.
Ялхуçалăх предприятийĕсем хушшинче ĕнесенчен сĕт суса илессипе "Коминтерн" ЯХПК дояркисем малта пынине черетлĕ хут çирĕплетсе пачĕç. Ялхуçалăх предприятийĕнче паян 420 пуç ĕне шутланать. Кулленхи вăтам сăвăм 5850 килогрампа танлашать е кашни ĕне пуçне куллен 14 килограма яхăн сĕт суса илеççĕ.
Палăртса хăвармалла, кăçалхи 9 уйăхри ĕç ăмăртăвĕнче дояркăсем хушшинче шăпах "Коминтерн" ЯХПК-ри Галина Сергеева доярка "Районти чи лайăх ĕне сăвакан" ята тивĕçрĕ. Галина Владимировна ĕнесене машинăпа сăвакан оператор, тăхăр уйăхра 287 тонна, кашни фуражлă пĕр ĕне пуçне вăтамран 5469 килограмм сĕт суса илнĕ. Çакăншăн вăл район администрацийĕн пуçлăхĕн Хисеп грамотине тивĕçрĕ. А.ДМИТРИЕВА.
Источник: "Пирěн пурнăç"