Публикации » Иван Чумаков "Уй варринче" юрăпа палăрнă

20 ноября 2015 г.

Çитĕнекен ăрăва наци культурине явăçтарас тĕллевпе ноябрĕн 14-мĕшĕнче Шупашкар хулинче "Шкул шăпчăкĕ" республикăри конкурсăн юлашки тапхăрĕ иртнĕ. Чăваш халăх юррисене шăрантаракан шкул ачисен конкурсне Атнар шкулĕнче 7-мĕш класра вĕренекен Иван Чумаков та хутшăннă. Асăннă конкурсăн районти тапхăрĕнче çĕнтернĕскер, Иван Шупашкарти сцена çине "Уй варринче" чăваш халăх юррипе тухнă. Хăйĕн пултарулăхне çỹллĕ шайра кăтартса пама пултарнă шкул ачи 3-мĕш степеньлĕ Диплома тивĕçнĕ. Палăртмалла, Иван Чумаков хăйĕн юрлас пултарулăхне Л.А.Ешмейкина тата Г.В.Орлов ертсе пынипе аталантарать. Çамрăк юрăç малашне те тĕрлĕ конкурссене хутшăнса малти вырăнсене йышăнасса шанатпăр.

А.ТИМОФЕЕВА.

Источник: "Пирěн пурнăç"