Публикации » Чун хавалне çухатман

20 ноября 2015 г.

90 çулхи тата ун хыççăнхи сумлă юбилейĕсене паллă тăвакансене Раççей Президенчĕ Владимир Путин ячĕпе саламласси районта аван пулса пырать. Нумаях пулмасть Шулю ялĕнче пурăнакан Елизавета Ивановна Тирейкина 90 çул тултарнă. Çамрăклăхĕ йывăр вăрçă çулĕсене тивнĕ унăн. Ыттисемпе танах фронта май пур таран пулăшас, çĕнтерĕ-ве çывхартас тесе, мирлĕ пурнăçшăн тăрăшнă, мĕн тивĕçлĕ канăва тухичченех "Путь Ильича" колхозра вăй хунă. Кун-çулĕ çăмăл килмен пулин те ветеран чун хавалне çухатман, паянхи тăнăçлăхпа савăнать. Сумлă ватă хĕрĕпе тата Женя мăнукĕпе пурăнать. А.ВЛАДИМИРОВА.

Источник: "Пирěн пурнăç"