27 ноября 2015 г.
Ноябрĕн 26-27-мĕшĕсенче Хусанта Пĕтĕм Раççейри "Святость материнства" тăваттăмĕш форум иртет. Унта "Пирĕн пурнăç" район хаçачĕн корреспонденчĕ Альбина Замуткина та хутшăнать.
"Çемьесен ĕмĕрхи йăлисем - Раççей пуласлăхĕн никĕсĕ" ятпа иртекен форума хутшăнмалли ирĕке Альбина Замуткина ахальтен тивĕçмен. Вăл 2014 тата 2015 çулсенче Пĕтĕм Раççейри "Çемье тата Раççей пуласлăхĕ" конкурса хутшăнчĕ, финалист Дипломне тивĕçрĕ. Форума "Наци мухтавĕн центрĕ" тата "Андрей Первозванный фончĕ" обществăлла организацисем йĕркелесе ирттереççĕ. Унăн ĕçне Раççейри власть органĕсен, обществăлла организацисен представителĕсем, журналистсем, ученăйсем хутшăнĕç.
Пирĕн корреспондент форумра пулнă май мĕн илтни-курнине, çĕннине тата кăсăклине мĕн пĕлнине, Хусанта иртекен пĕлтерĕшлĕ мероприятирен мĕнле шухăш-кăмăлпа таврăннине хаçатăн çитес номерĕсенче пĕлтерĕпĕр.
Редакци.