Публикации » Депутат премине тивĕçрĕ

27 ноября 2015 г.

"Коминтерн" ялхуçалăх производство кооперативĕнче нумай çул хушши выльăх пăхакан Мария Князева ĕç ăмăртăвĕнче кашнинчех малтисен ретĕнче. Çакă вăл "ЧР ялхуçалăхĕн тава тивĕçлĕ ĕçченĕ" хисеплĕ ята тивĕçлĕ тытса пынине çирĕп-летсе парать. Мария Князевапа Елена Матвеева ĕçтешĕ пăрусене сĕтрен уйăриччен, виçĕ уйăх хушши пăхаççĕ, вĕсене талăкра вăтамран 800 грамм ытла ỹт хуштараççĕ. Ачаш пăхса ỹстернĕ пăрусене унтан урăх ушкăна куçарса параççĕ. Мария Никифоровна иртнĕ çулсенче темиçе хут та районти чи лайăх пăру пăхакан ята тивĕçнĕччĕ. Кăçал вăл Чăваш Республикин Патшалăх Канашĕн Председатель çумĕн Николай Маловăн Тав сăмахне тата премине тивĕçрĕ. Депутатăн премине илнисем хушшинче "Нива" ЯХПК-ри Эльвира Ямскова доярка та пулчĕ.

А.ДМИТРИЕВА.