02 декабря 2015 г.
Шкулпа çыхăннă пур информацие те упраса хăварас тĕллевпе Районта "Энциклопедия просвещения Красночетайского края" ятлă кĕнеке кăларас енĕпе ĕçсем пыраççĕ. Кĕнекере мĕн авалтан пуçласа паянхи шкул пурнăçĕ-пе тата учительсемпе çыхăннă материалсем, сăнỹкерчĕксем вырăн тупĕç. Кĕнеке паха та пуянрах пултăр тесен, паллах, эпир пĕрле ĕçлесен лайăх пулмалла та. Çавăнпа та кашни вулаканăмăртан пулăшу ыйтасшăн: хăвăр юратнă шкулăр е учителĕрсем пирки асра юлнă самантсем, е сирĕн упранса юлнă материалсем кĕнекере вырăн тупчăр. Материалсене Мăн Этмен шкулне те, çывăхри шкулсенчи истори учителĕсене те, хаçат редакцине те "Н.Полозин валли" тесе çитерме пултаратăр. Çавăн пекех ман пата телефонпа шăнкăравлама та юрать: 24-2-01(килти), 89603008669 (сот.). Николай ПОЛОЗИН, Мăн Этмен шкулĕн истори учителĕ.
Источник: "Пирěн пурнăç"