Публикации » Информаци тулли пулмалла

23 декабря 2015 г.

Район прокуратури çуллахи кунсенче "Жилсервис" ТЯО-ра тĕрĕслевпе пулчĕ, ĕçĕн информаци уçаслăхĕн стандарчĕсене пăхăнманнине тупса палăртрĕ. "Жилсервис" ТЯО Хĕрлĕ Чутай салинчи нумай хваттерлĕ çуртсенче пĕтĕмĕшле пурлăха ертсе тата тытса пырас енĕпе пулăшусем парать. Организацин хăйĕн ĕçĕ пирки информацие интернет сетĕнче пичетлемелле. Нумай хваттерлĕ çуртсене тытса пыракан сферăра ĕçлекен организацисене валли информаци лартма ятарлă сайт - www.reformagkh.ru - туса панă. Саккунпа килĕшỹллĕн, информацие кашни нумай хваттерлĕ çуртпа лартмалла. Тĕрĕслев "Жилсервис" ТЯО www.reformagkh.ru тата http:www.jkh.cap.ru официаллă сайтсенче хăйĕн ĕçĕ пирки информацие туллин лартманнине кăтартрĕ. Асăннă çитменлĕхсем граждансен прависене пăсаççĕ. Çавăнпа та организаци ертỹçине представлени тăратма тиврĕ.

В.ШОРКИН, район прокурорĕ.

Источник: "Пирěн пурнăç"