30 декабря 2015 г.
Чăваш Ен Пуçлăхĕн республикăри йăлана кĕнĕ Çĕнĕ çулхи представленине пĕтĕмпе тăватă пин ачана чĕннĕ. Уяв представленийĕ 2016 çулхи январĕн 7-мĕшĕнче "Шупашкар Арена" Пăр керменĕнче пулать. Арçын ача-семпе хĕрачасем интереслĕ выляну программине хутшăнĕç, Екатеринбург хулинчен килсе çитнĕ "Твизл шоу" коллективăн театрализациленĕ "Щелкунчик" представленине курма пултарĕç. Паллах, уява хутшăнакансем Чăваш Ен Пуçлăхĕн çĕнĕ çул парнине тивĕçĕç. Райадминистрацин вĕренỹ пайĕнчен пĕлтернĕ тăрăх, кăçал республикăри елкăна Хĕрлĕ Чутай шкулĕнчи 14 вĕренекен (8 çултан пуçласа 13 çулхисем) кайса курĕ. Палăртса хăвармалла, республика Пуçлăхĕн елкине кашни çулах тĕрлĕ шкултан каяççĕ. Йыхрава, паллах, вĕренỹре лайăх ĕлкĕрсе пыракансем, обществăлла пĕрлешỹсен активисчĕсем тата ытти пултаруллă ачасем тивĕçеççĕ.
Источник: "Пирěн пурнăç"