13 января 2016 г.
Ача сачĕ хута кайрĕ
Иртнĕ çулăн пуçламăшĕнче "Пирĕн пурнăç" хаçатăн пĕрремĕш номерĕн страни-цинче Хĕрлĕ Чутай салин Ленин урамĕнче ача сачĕ пуласси пирки пĕлтернĕччĕ. Кăçал вара пĕрремĕш номерте ача сачĕ уçăлни çинчен пĕлтеретпĕр. Ача сачĕ уçăлнине районта официаллă майпа декабрĕн 31-мĕшĕнче паллă турĕç. Хăйăва касма ачасемпе пирĕн депутатсене, Чăваш Республикин Патшалăх Канашĕн депутачĕсене Николай Маловпа Валерий Павлова, шанчĕç. Ача сачĕ "Хĕвел" ятлă пулĕ, унта 8 ушкăн йĕркеленĕ, 160 ача çỹреме пуçлĕ. Асăннă уявра ача сачĕ чылай ăшă сăмахсемпе парнесене тивĕçрĕ. Вĕсен йышĕнче депутат парни те пулчĕ: ЧР Патшалăх Канашĕн депутачĕ Валерий Михайлович Павлов 20 пин тенкĕлĕх сертификата ача сачĕн заведующине Алена Васильевана пачĕ. Паянхи кун райадминистрацин вĕренỹ пайĕ "Хĕвел" ача садне путевкăсем парассипе ĕçлет. Кам та кам хăйĕн пепкине асăннă ача садне çỹретесшĕн, путевка илме васкăр.
АЗС уçăлчĕ
Декабрĕн 28-мĕшĕ Хусанушкăнь ял тăрăхĕнче АЗС уçăлнипе паллă пулчĕ. Автомобильсен заправка станцийĕ уçăлни уйрăмах "Сура-Элĕк" çул çинче çỹрекенсене питĕ меллĕ.
2 шкул автобусĕ çитрĕ
Шкул автобусĕсен паркĕ çĕнелни куçкĕрет. Акă декабрĕн 30-мĕшĕнче района икĕ шкул автобусĕ çитрĕ. Автобуспа Питĕркассипе Атнар шкулĕсем пуянланчĕç.Палăртма кăмăллă, малашне Хурапыр ялĕн ачисем те шкула автобуспа çитĕç.
А.ОРИНОВА.
Источник: "Пирěн пурнăç"