15 января 2016 г.
Вĕренỹре, спортра, ĕçре тата ытти тытăмра пултарулăхпа палăрнă, пысăк çитĕнỹсем тунă çамрăксене Чăваш Республикин Пуçлăхĕ çулсеренех стипенди парса хавхалантарать. 2016 çулхи стипендиатсем те паллă ĕнтĕ. Вĕсем пурĕ 995-ĕн. Палăртмалла, пирĕн районти пилĕк çамрăк çулталăк тăршшĕпех уйăхсерен 1830 тенкĕпе танлашакан стипенди илсе тăрĕ. Вĕсем:
- Евгений Владимирович ВАЗИН, Питĕркассинчи вăтам шкулта 11-мĕш класра вĕренекен.
- Владимир Алексеевич МАГАСЬКИН, "Хастар" физкультурăпа спорт комплексĕнче пултарулăхне туптакан.
- Артем Эдуардович РОМАНОВ, Хĕрлĕ Чутайри вăтам шкулта 11-мĕш класра вĕренекен.
- Карина Николаевна СЕЛЯНКИНА, Мăн Этменти вăтам шкулта 11-мĕш класра вĕренекен.
- Александр Никитич ТОКАРЕВ, "Свобода" колхоз тракторисчĕ.
Источник: "Пирěн пурнăç"