29 января 2016 г.
Районти хăйтытăмлă органсем экстремизмла ĕçсемпе кĕрешмелли саккуна пăхăнмаççĕ. Тĕрĕслев çакна кăтартрĕ: ял тăрăхĕсен Профилактика канашĕсен ĕç планĕсенче экстремизмпа кĕрешмелли мероприятисене кăтартмаççĕ. Çавăн пекех ял тăрăхĕсенче экстремистла ĕçсем пирки çул çитмен ачасене тата вĕсен ашшĕ-амăшне асăрхаттарас тĕлĕшпе тимлĕх кирлĕ чухлĕ уйăрмаççĕ. Çапла, "Интернет" сетĕнче, вăл шутра социаллă сетьсенче, экстремизмла характерлă информаци чылай. Унпа пурте чăрмавсăр паллашма пултараççĕ. Ял тăрăхĕсен администрацийĕсен ашшĕ-амăшне сетьре усă курмалли правилăсемпе паллаштарас тĕллевпе мероприятисем ирттермелле, вĕсене килти компьютерсем çине контентфильтрсем лартма сĕнмелле. Çак çитменлĕхсем ял тăрăхĕсен пуçлăхĕсене представлени тăратма сăлтав пачĕç.
Диана САВИНКИНА, район прокурорĕн пулăшуçи.
Источник: "Пирěн пурнăç"