03 февраля 2016 г.
Чăваш Енри Следстви комитечĕн уйрăмах пĕлтерĕшлĕ ĕçсене пăхса тухакан уйрăмĕ республикăри потребительсен обществăлла учрежденийĕн ертỹçи тĕлĕшпе уголовлă ĕçе тишкерсе пĕтернĕ. 38 çулхи Наталья Степанована коррупциллĕ преступлени тунă тесе айăплаççĕ. Вăл 2013-2015 çулсенче Шупашкар, Çĕнĕ Шупашкар, Куславкка хулисенчи, Канаш, Хĕрлĕ Чутай, Сĕнтĕрвăрри, Вăр-мар тата Шупашкар районĕсенчи апат-çимĕç лавккисенче ĕçлекенсенчен тата вĕсен хуçисенчен пурĕ 410 пин ытла тенкĕлĕх взятка илнĕ. Асăннă лавккасенчи сотрудниксем суту-илỹ правилисене пăснине (тĕслĕхрен, срокĕ тухнă таварсене сутнине) пĕлнĕрен Наталья Степанова вĕсене лару-тăрăва укçалла майлаштарма май пулнине пĕлтернĕ. Уставпа килĕшỹллĕн лавккасенчи çитменлĕхсем пирки тĕрĕслев органĕсене пĕлтермеллине пĕлсе тăрсах хĕрарăм саккуна пăсса, улталаса пуйма шутланă. Унсăр пуçне Наталья Степанова 2014 çулхи октябрь-2015 çулхи январь уйăхĕсенче тата тепĕр 14 лавккан директорĕ-сене, хуçисене, сутуçисене тупса палăртнă çитменлĕхсемшĕн штрафсене ăна тỹле-мелле тесе суйнă, çапла майпа улталаса 210 пин ытла тенкĕлĕх тăкак кỹнĕ. Асăннă преступленисем тăрăх уçнă уголовлă ĕç 12 томран тăрать, 14 çынна шар курнă тесе йышăннă, 100 ытла çынран свидетельсен шутĕнче ыйтса пĕлнĕ. Уголовлă ĕçе Шупашкар хулин Ленин районĕнчи судне ярса панă.
Олег ДМИТРИЕВ, ЧР Следстви комитечĕн ертỹçин аслă пулăшуçи.
Источник: "Пирěн пурнăç"