03 февраля 2016 г.
Район прокуратури пĕр гражданин ыйтупа тухнă май Хĕрлĕ Чутай ял тăрăхĕн администрацийĕ халăх пĕтĕмĕшле усă куракан автоçула юртан мĕнле тасатса тăнине тĕрĕслерĕ.
Тĕрĕслев çакна кăтартса пачĕ, ял тăрăхĕн администрацийĕ ял тăрăхĕнчи автоçулсене пăхса тăнă чух саккун ыйтнине час-часах пăсать, çулсене вăхăтра юртан тасатса тăмасть, уйрăмах Хĕрлĕ Чутай салинчи Пионерски урамĕнче. Çавăн пекех ял тăрăхĕн администрацийĕ автоçулсем мĕнле шайрине, подряд организацийĕсем мĕнле ĕçленине тĕрĕслесе тăмасть. 2016 çулхи январĕн 11-мĕшĕ тĕлне Пионерски урамĕнче юр тасатман, автоçулсене юр хупласа илнĕ. Çавăнпа кунти çулпа автотранспорт, вăл шутра "Васкавлă пулăшу", пушарпа кĕрешекенсен машинисем те çỹреймен. Анчах та ял тăрăхĕсене урамсене тасатса, пăхса тăрассинчен хăтаракан саккун тухман, ял тăрăхĕн администрациех яваплă.
Представленинче кăтартнă çул çинчи çитменлĕхсем водительсен, çуран çỹрекенсен ирĕкĕсене пăсаççĕ, çул-йĕрпе транспорт пăтăрмахĕсем, чрезвычайлă лару-тăру кăларса тăратма пултараççĕ. Тĕрĕслев вăхăтĕнче тупса палăртнă çул-йĕре тивĕçлĕ шайра тытса тăман тĕслĕхсем ял тăрăхĕн администра- цийĕнче ĕçлекенсем хăйсен тивĕçĕсене яваплăха туйса пурнăçламаннине çирĕплетеççĕ. Прокуратура ял тăрăхĕн администрацине представлени тăратрĕ.
В.ШОРКИН, район прокурорĕ.
Источник: "Пирěн пурнăç"