05 февраля 2016 г.
Район администрацийĕн ялхуçалăх пайĕнчен пĕлтернĕ тăрăх, 2016 çулхи январĕн 1-мĕшĕ тĕлне районти ялхуçалăх предприятийĕсенче сыснасен хисепĕ - 3480 пуçпа (иртнĕ çулхипе танлаштарсан 107 про-цент), мăйракаллă шултра выльăх шучĕ 2380 пуçпа (100,2 процент) танлашнă, вăл шутра 888 ĕне (95,4 процент). Мăйракаллă шултра выльăх хисепĕпе пирĕн район республикăри ытти районсем хушшинче 14-мĕш вырăн йышăнать. Ялхуçалăх предприятийĕсем пĕтĕмпе 4229,7 тонна сĕт сунă. Сумалли ĕнесен хисепĕ чакнине пăхмасăр 19,4 тонна ытларах сĕт сунă. Кашни ĕне пуçне вăтамран сĕт сăвасси те 2015 çулхи шайран 197 килограмм чухлĕ ỹснĕ, 4705 килогрампа танлашнă. Сĕт производствипе "Коминтерн" хуçалăх малта пырать. Унта 2438,2 тонна - районти сĕт производствин 58 процентне - илнĕ. Кашни фуражлă ĕне ку хуçалăхра 5805 килограмм сĕт панă. "Нива" хуçалăхра та кăтартусем лайăх: 931,2 тонна (район тỹпинче 22 процент), кашни ĕне пуçне 4656 килограмм сĕт сунă. "Свобода" колхозра 547,6 тонна (район тỹпинче 13 процент), кашни ĕнерен 5476 килограмм сĕт сунă. Район сĕт призвод-ствипе республикăри районсем хушшинче 12-мĕш вырăнта тăрать. Выльăх-чĕрлĕхрен ял-хуçалăх предприятийĕсем 843,7 тонна е 107,8 процент аш-какай (чĕрĕ виçепе) туса илнĕ. Аш производствипе те "Коминтерн" пĕрремĕш вырăн йышăнать. Ку хуçалăх иртнĕ çул 665 тонна аш илнĕ. Çакă районта туса илнĕ ашăн 79 проценчĕ пулать. Район аш-какай призводствипе республикăра - 10-мĕш вырăнта.
Источник: "Пирěн пурнăç"