05 февраля 2016 г.
Январĕн 29-мĕшĕнче Хĕрлĕ Чутайри вăтам шкулта "Эпир - çĕршыв пуласлăхĕ" ятпа районти пултаруллă, çивĕч ăслă ачасен иккĕмĕш слечĕ иртрĕ. Пĕрремĕш хут çакăн пек слета 2013 çулхи ноябрь уйăхĕнче ирттернĕччĕ, ун чухне районти 90 яхăн ачана тĕрлĕ хисеп хучĕсемпе сертификатсем парса чысланăччĕ. Питĕ кăмăллă пулчĕ ун чухне Чутай çĕрĕн маттур ачисене пĕр çĕре пухса чысланине курма. Çав ырă йăлана чĕртсе тăратни чунтан савăнтарать.
Районти пултаруллă ачасен иккĕмĕш слетĕнче вĕренỹре аван ĕлкĕрсе пырса тĕрлĕ олимпиадăсенче мала тухакансем, ташă-юрă ăстисем, спортра çитĕнỹ тăвакансем, кадетсем хисепе тивĕçрĕç. Вĕсене Чăваш Патшалăх Канашĕн депутачĕ Николай Малов, район администрацийĕн пуçлăхĕ Александр Башкиров, вĕренỹ пайĕн начальникĕн тивĕçĕсене пурнăçлакан Татьяна Шереметьева саламларĕç.
Пухăннисене районти тĕрлĕ шкулсенче пĕлỹ илекен çамрăк талантсем - Анастасия Хорайкина, Иван Чумаков, Татьяна Мурайкина, Анна Сармандейкина, Çĕн Атикасси шкулĕнче вĕренекен хĕрсен ташă ушкăнĕ тата кадетсем - хăйсен пултарулăхĕпе савăнтарчĕç.
Эпир пирĕн тăрăхра маттур та пултаруллă, çивĕч ăслă, талантлă ачасем пурришĕн чĕререн савăнатпăр, вĕсемпе мухтанатпăр. Çитĕнекен ăру çакăн пек пулни пире малашлăха шанчăклăн пăхма май парать.
Чăваш Республикин Патшалăх Канашĕн депутачĕн Николай Маловăн ятран паракан стипендине çак вĕренекенсем тивĕçрĕç:
. Роксана Хромова, Çĕн Атикассинчи вăтам шкулта 11-мĕш класра вĕренекен.
. Вероника Егорова, Çĕн Атикассинчи вăтам шкулта 11-мĕш класра вĕренекен.
. Станислав Михопаркин, Хĕрлĕ Чутайри вăтам шкулта 10К класра вĕренекен.
. Анна Сармандейкина, Хĕрлĕ Чутайри вăтам шкулта 10К класра вĕренекен.
. Артем Романов, Хĕрлĕ Чутайри вăтам шкулта 11А класра вĕренекен.
. Анна Родионова, Хĕрлĕ Чутайри вăтам шкулта 11Б класра вĕренекен.
. Евгений Вазин, Питĕркассинчи вăтам шкулта 11-мĕш класра вĕренекен.
. Анастасия Трифонова, Атнарти вăтам шкулта 11-мĕш класра вĕренекен.
. Татьяна Мартышкина, Мăн Этменти вăтам шкулта 11-мĕш класра вĕренекен.
. Сергей Ерофеев, Мăн Этменти вăтам шкулта 10-мĕш класра вĕренекен.
Асăннă вĕренекенсем 2015-2016 вĕренỹ çулĕнче уйăхсерен 500 тенкĕ илсе тăрĕç. Район администрацийĕн пуçлăхĕн Александр Башкировăн ятран паракан стипендине тивĕçнисем:
. Атнарти вăтам шкулта вĕренекен Диана Ионова (9-мĕш класс) тата Наталия Ухлейкина (11-мĕш класс).
. Хĕрлĕ Чутайри вăтам шкулта вĕренекен Алексей Дадюков, Кристина Васькова (10К класс), Кирилл Андрианов (11А класс), Елена Гурьянова (9Б класс), Алена Пименова (9А класс).
. Мишеркассинчи тĕп шкулта вĕренекен Анна Емельянова (8-мĕш класс).
. Тури Çĕрпỹкассинчи тĕп шкулта вĕренекен Татьяна Максимова (9-мĕш класс).
. Шулюри тĕп шкулта вĕренекен Дмитрий Мерзлайкин (9-мĕш класс).
. Хусанушкăнчи тĕп шкулта вĕренекен Марина Токшикова (9-мĕш класс).
. Питĕркассинчи вăтам шкулта вĕренекен Анастасия Судакова (8-мĕш класс), Евгений Хохлов (7-мĕш класс).
. Мăн Этменти вăтам шкулта вĕренекен Кристина Васильева (7-мĕш класс), Татьяна Мартышкина (11-мĕш класс), Александр Сидоров (8-мĕш класс), Алена Падюкова (9-мĕш класс).
. Çĕн Атикассинчи вăтам шкулта вĕренекен Андрей Семенов (9-мĕш класс), Анастасия Ярандайкина (8-мĕш класс), Анастасия Семенова (9-мĕш класс).
Алина КАРПОВА. Фоторепортаж - редакци сайтĕнче.
Источник: "Пирěн пурнăç"