10 февраля 2016 г.
2016 çул - Раççей Федерацийĕнче Кино çулталăкĕ. Çакна çирĕплетекен Указа РФ Президенчĕ Владимир Путин 2015 çулхи октябрь уйăхĕн 7-мĕшĕнче алă пуснă. Документра палăртнă тăрăх - кино çулталăкне общество "кăмăлне" кинематограф енне çавăрас тĕллевпе ирттереççĕ. Юлашки вăхăтра Раççей киноиндустрийĕ патшалăх тытса пыракан культура политикин тĕп принципĕсене тĕпе хуни аван курăнать. Çав принципсене халăх ăс-тăнне вырнаçтарса Раççей гражданĕсен тĕнчекурăмне вăйлă витĕм кỹрет. Кинематограф витĕм-не патриотизм пропагандипе вăйлатса çынсен шухăш-кăмăлне ырă сĕм кĕртме тĕллев лартнă. Çулталăк тăршшĕнче Раççейре кăна мар, тĕнче шайĕнче те çĕршыври кинематограф пахалăхне, хисепне ỹстерме май паракан вун-вун мероприяти ирттерме палăртнă. Çавна май чăваш кинематографĕнче те ырă улшăнусем пуласса шанатпăр.
Вячеслав ОРИНОВ, Чăваш Республикин культура, национальность тата архив ĕçĕсен министрĕн çумĕ, Чăваш Республикин искусствăсен тава тивĕçлĕ деятелĕ:
- Пирĕн, чăвашсен, Кине-матографистсен пĕрлĕхĕ те, ỹкерекенсем те, ятарлă вĕренỹ заведенийĕсенче пĕлỹ илнисем, студисем те пур. Кăçал - Кино çулталăкĕнче - наци кинематографне курăмлă пулăшу пулĕ. Кун пирки республика Пуçлăхĕ Михаил Игнатьев Патшалăх Канашне янă Çырăвĕнче те палăртса хăварчĕ. Ĕлĕкренех кашни клубра кино кăтартнă. Ял пурăнсан - наци пурăнать. Паян театр, Кино ял темине хускатни, ял ыйтăвне çĕклени уйрăмах пĕлтерĕшлĕ. Телевизорпа, компьютерпа кино курма аван-ха. Çапах та йышпа пухăнса пысăк экран умĕнче пăхса ларнине нимĕн те çитмест. Раççейре, ют çĕршывра ỹкернĕ фильмсене кăна мар, хамăрăн, чăвашсен, ĕçĕсене курсан татах та пурне те лайăх пулать. Пирĕн плансем пысăк...
Источник: "Пирěн пурнăç"