10 февраля 2016 г.
Чăваш Республикин Министрсен Кабинечĕн председателĕн февралĕн 5-мĕшĕнчи 69-р № хушăвĕпе килĕшỹллĕн Вячеслав Николаевич Оринова Чăваш Республикин культура, национальность тата архив ĕçĕсен министрĕн çумне çирĕплетнĕ. Çак ятпа хамăр ентеше саламлатпăр!
Александр САМСОНОВ, райадминистрацин культура, спорт тата архив ĕçĕн пай начальникĕ, Чăваш Республикин тава тивĕçлĕ культура ĕçченĕ:
- Тĕп хуламăрта Кино тата Ĕç çыннин çулталăкĕ официаллă майпа февралĕн 5-мĕшĕнче уçăлчĕ. Пирĕн районтан та уява 10 çынтан тăракан делегаци хутшăнчĕ. Февралĕн 11-мĕшĕнче район центрĕнчи Культура çуртĕнче 18 сехетре районта Раççейри Кино çулталăкне, Чăваш Республикинчи Ĕç çыннин çулталăкне уçатпăр. Çав кун асăннă çулталăксене халалласа куравсем йĕркелетпĕр. Çавăн пекех куракансем валли концерт та пулĕ. Уява пурне те йыхравлатпăр. Килĕр, курăр! Яланах пĕрле пулар!
Источник: "Пирěн пурнăç"