19 февраля 2016 г.
Февралĕн 15-мĕшĕнче Афганистан, Чечен, Çурçĕр Кавказ çĕрĕсем çинче пуçĕсене хунă ентешсене Ю.Макарова, В.Быкова, Г.Иванова тата С.Эзенкина асăнса "Чĕррисем асра тытчăр, ăрусем ан манччăр" ятпа кăçалхипе вуннăмĕш хут патриотизмла юрăсен фестивалĕ иртрĕ. Унта 8-22 çулсенчи 25 çамрăк юрăç хутшăнчĕ.
Йăлана кĕнĕ фестивальте кашниех Раççей çĕршывĕ, çар, юлташлăх, вăрçă çулĕсем çинчен юрăсене чуна пырса тивмелле шăрантарса пачĕ. Жюрие чи лайăх юрлакана суйлса илме çăмăлах пулмарĕ. Çапах фестиваль тематикипе килĕшсе тăра- кан юрăсене юрлас, сцена çинче харпăр хăйне тытма пĕлес ăсталăхпа, костюм енчен илемлĕхпе уйрăлса тăнисем çĕнтерỹçĕсен ятне тивĕçрĕç.
Вĕсем: кĕçĕннисем хушшинче - Мария Аливанкина (1-мĕш вырăн), Екатерина Тверскова тата Кира Булаткина (2), Диана Сядай-кина тата Ирина Селянкина (3). Вăтам ушкăнра - Татьяна Ефремова (1), Вик- тория Сюткина (2), Иван Чумаков (3). Аслисем хушшинче - Анна Сармандейкина (1), Диана Майорова (2-мĕш вырăн). Фествиаль призерĕсемпе номинанчĕсем пурте ятарлă дипломсемпе асăнмалăх парнесене тивĕçрĕç.
А.ЗАМУТКИНА.
Источник: "Пирěн пурнăç"