Публикации » Юбилейсем валли 400 млн тенкĕ куçĕ

26 февраля 2016 г.

 Шупашкар хулине 550 çул тата Чăваш автономи облаçĕ йĕркеленнĕренпе 100 çул çитнине уявлама федераллă бюджетран Чăваш Ене 400 млн ытла тенкĕ куçарса пама палăртнă. ЧР Министрсен Кабинечĕн Председателĕн çумĕ Алла Салаева пĕлтернĕ тăрăх, субсидие пĕрешкел пайсемпе виçĕ çул хушшинче куçарса парĕç. 2018 çултан пуçласа çулсерен - 143,3 млн тенкĕ, пĕтĕмпе 429,9 млн тенкĕ. Çавăн пекех федераллă бюджетран килекен укçа-тенкĕ Чăваш патшалăх филармонине реконструкцилеме те кайĕ. Аса илтеретпĕр, Шупашкар хулине 550 çул çитнине 2019 çулта, Чăваш автономи облаçĕ йĕркеленнĕренпе 100 çул çитнине 2020 çулта уявласшăн.

Источник: "Пирěн пурнăç"