02 марта 2016 г.
Юлашки вăхăтра сыснасен Африка чуми ют çĕршывсенче вăй илни куçкĕ-рет кăна мар, Раççей Федерацийĕнче те ку мурпа çыхăннă лару-тăру çивĕч тăрать. Чăваш Республикин патшалăх ветеринари служби пĕлтернĕ тăрăх, 2016 çулта сыснасен Африка мурĕн 12 тĕслĕхне регистрациленĕ (Пенза облаçĕнче тата Крым Республикинче), вăл шутра 3 хир сыснин, килти 9 выльăхăн. Çак мура Чăваш Енрен сиресси - ветеринари специалисчĕ-сен тĕп тĕллевĕ. Хỹтĕленмелли чи шанчăклă мел вăл - мур çитме пултаракан çулсене пỹлесси. Чи пĕлтерĕшли - сыснасене "хупă" вырăнсенче тытса усрасси.
Ку амакран çăлăнасси ытларах хамăртан килнине асра тытмалла. Çавна май сыснасене уйрăм пỹлĕмсенче тытмалла. Вĕсене картаран, кил хушшинчен ниçта та кăлармалла мар, урăх чĕрчунсемпе хутшăнтарма та юрамасть. Выльăх апатне вĕрилентерсе кăна памалла. Çавăн пекех чир тухнă регионсенчен выльăх, апат, усă курнă техника хатĕрĕсене илсе килесрен сыхланмалла. Ют çынран сысна туянас тетĕр пулсан илсе килнĕ вырăнтан чир-чĕр пулманнине çирĕплетекен ветеринари докуменчĕсене ыйтăр. Выльăх сывлăхне пĕрмаях тĕрĕслеттермелле, чир паллисене асăрхасанах ветеринари специалисчĕсене чĕнмелле. Патшалăх ветеринари службин телефонĕ: 8(83551)2-18-74; 2-19-64.
Республикăна инкек килсе ан кĕтĕр тесен пирĕн сыхă тăмалла. Сысна ĕрчетнĕ, тирпейленĕ, туяннă чух вете-ринарипе санитари требованийĕсене пăхăнмалла. Унсăрăн административлă, уголовлă явап тытас хăрушлăх пур тата выльăх-чĕрлĕх çухатăвĕшĕн компенсаци тỹлеме те тивĕ.
Г.СТЕКОЛЬЩИКОВ, районти чĕрчунсен чирĕсемпе кĕрешекен ветеринари станцийĕн начальникĕ.
Источник: "Пирěн пурнăç"