Публикации » Ялхуçалăхĕнчи тăрăшулăхшăн

04 марта 2016 г.

Хирлỹкассинчи Николай Иванович Лисаевăн хресченпе фермер хуçалăхĕ пирки эпир нумай çыратпăр. Пысăках мар хуçалăхра чăннипех тăван çĕре юратакан, ялхуçалăхне парăннă çынсем ĕçлеççĕ тесен те йăнăшмăп. Туслă коллективра кашниех тăрăшуллă. Ахальтен мар хуçалăхăн механизаторĕ-семпе ытти ĕçченĕсем тăтăшах тĕрлĕ шайри наградăсене тивĕçеççĕ. Вĕсенчен пĕри _ хресченпе фермер хуçалăхĕн бухгалтерĕ Нина Богаткина. Шулю ялĕнче çуралса ỹснĕскер, халĕ çемйипе Хĕрлĕ Чутай салинче пурăнать. Нина Ивановна хăйĕн пурнăçне шут ĕçĕпе çыхăнтарнă. Ĕç кун-çулĕ ытларах "Искра" хуçалăхпа, унтан Туканашри чăх-чĕп фабрикипе, халĕ Николай Лисаев фермер хуçалăхĕ-пе çыхăннă. Бухгалтерăн пĕтĕмĕшле ĕç стажĕ 20 çултан иртет. Нумай çул тỹрĕ кăмăлпа тăрăшса ĕçленĕшĕн тата агропромышленность комплексне аталантарассине тỹпе хывнăшăн Нина Ивановна Ялхуçалăх ĕçченĕн професси уявĕнче Чăваш Республикин Ялхуçалăх министерствин Хисеп грамотине тивĕçрĕ.

А.ДМИТРИЕВА.

Источник: "Пирěн пурнăç"