Публикации » Такмаксен конкурсне хутшăнăр

11 марта 2016 г.

Пĕтĕм Раççейри ялхуçалăх çыравне халалласа мартăн 1-мĕшĕнчен такмаксен конкурсĕ пуçланчĕ. Ку конкурса 18 çул тултарнă кашни çын хутшăнма пултарать. Палăртмалла, конкурсантсем умĕнчи задача çăмăлах мар - ялхуçалăх çыравĕ çинчен халăх чĕлхипе каласа памалла, çак пысăк ĕçе - çырава - кашни çын ăнланса çывăха илтĕр тесе тăрăшмалла. Такмакра çыравçăсен ĕçне, çыравçăсемпе ял çыннисен, ялхуçалăх предприятийĕсемпе хресченпе фермер хуçалăхĕ-сен, сад-пахчаçăсен хутшăнăвĕсене сăнласа памалла. Такмаксене конкурса тĕрлĕ майпа тăратма пулать: çыру евĕр, видеоформатпа. Такмак каланă пĕчĕк ролика сотовăй телефон çине ỹкерсе илме пулать. Такмак текстне тата автор çинчен пĕлтернине вара kuplet@vshp2016.ru электрон адреспа ярса памалла. Конкурс ĕçĕсене майăн 31-мĕшĕччен йышăнаççĕ. Преми фончĕ - 50 пин тенкĕ. Конкурс положенийĕпе тĕплĕнрех пресс-центрăн сайтĕнче паллашма пулать.

А.ЗАМУТКИНА.

Источник: "Пирěн пурнăç"