16 марта 2016 г.
Мартăн 14-мĕшĕнче Раççейре, çавăн пекех Чăваш Енре те, "Вилĕм ăçта сутнине пĕлтер" профилактика мероприятийĕ пуçланчĕ. Вăл мартăн 25-мĕшĕччен тăсăлĕ. Асăннă акци Чăваш Енре тăххăрмĕш хут иртет. Унăн тĕп тĕллевĕ - наркопритонсене тупса палăртасси, наркотик хатĕрĕсене сарассине чарасси, çивĕч ыйтăва татса парассине халăха явăçтарасси, пĕлтересси. Акци вăхăтĕнче наркотике ăçта сутнине пĕлтерме çеç мар, наркотикпе айкашакансене сиплемелли, реабилитацилемелли пирки специалистсенчен канаш илме те пулать. Çынсен наркотике хирĕç кĕрешес ĕçре хăйсен сĕнĕвĕсене те пама юрать. Çавна май эпир "шанăç телефонĕ" йĕркелерĕмĕр. Хуть те хăш информацие пĕлтерес тесен е консультаци илес пулсан 2-17-92 номерпе шăнкăравлама ыйтатпăр. "Шанăç телефонĕ" акци вăхăтĕнче кунсерен 8 сехетрен тытăнса 20 сехетчен ĕçлĕ.
В.БЕЛОВ, районти полици уйрăмĕн начальник çумĕ.
Источник: "Пирěн пурнăç"