Публикации » Пĕчĕккисен пурнăçĕ сирĕн алăра

18 марта 2016 г.

Эсир автомобильте яланах хăрушсăрлăх пиçиххипе çыхăнатăр-и? Тепĕр правилăна та пăхăнмалла: машинăпа тапранса кайиччен ачана автокреслăна лартмалла. 10 метр кăна каймалла пулсан та çакă йăлара пултăр. Авари вăхăтĕнче автокреслăна лартса шанчăклă çыхнă ача вилмеллех суранланас хăрушлăх 2,5-3 хут чакать. Уйрăмах ачана алă çинче тытса пыни хăрушă. Нумай ачаллă çемье пулни, автокресло туянма укçа-тенкĕ çитерейменни сире асăннă правилăна пăсма ирĕк памасть. Кашни валлиех тăкакланма тивет. Хăшĕ-пĕри унччен кам та пулин усă курнă автокресло туянать. Вăл пахалăхлă пулнине никам та шантараймасть. 12 çул тултарман кашни ачана малти ларкăч çинче ларать пулсан автокреслăпа илсе çỹремелле. Хыçалти ларкăч çине лартма та ятарлă хатĕрсем кирлĕ. Çакна та ан манăр: хăвăра тата ачăра пĕр хăрушсăрлăх пиçиххипе ан çыхăр!

В.ГАЛКИН, Çĕмĕрлери çул-йĕр хăрушсăрлăх инспекцийĕн начальникĕ.

Источник: "Пирěн пурнăç"