Публикации » "Шурă тỹме" уйăхлăх пуçланчĕ

25 марта 2016 г.

Çулсеренех март-апрель уйăхĕсенче республикăра, вăл шутра пирĕн районта та, Туберкулеза хирĕç кĕрешмелли пĕтĕм тĕнчери куна (мартăн 24-мĕшĕ) халалланă уйăхлăх иртет. Ăна халăха çак чир çинчен анлăрах пĕлтерес, сывă пурнăç йĕркине пропагандăлас тĕллевпе ирттереççĕ. Уйăхлăхпа килĕшỹллĕн медицина организацийĕсенче Уçă алăксен кунĕсем иртеççĕ. Ун чух кăкăр клеткин органĕсене флюорографи тума та пулать. Районти тĕп больницăра Уçă алăксен кунне апрелĕн 9-мĕшĕнче ирттерме палăртнă. Районта туберкулез енĕпе лару-тăру çивĕч тăрать. Чирлекенсен шучĕ ỹсни палăрать. Иртнĕ çул вĕçĕнче район больницин фтизиатрĕ патĕнче 30 ытла çын туберкулезран сипленнĕ. Туберкулез - анлă сарăлнă инфекци чирĕ. Вăл кашни çыннах ерме пултарать, çавăнпа профилактика тĕрĕслевĕ витĕр вăхăтра тухмалла.

Источник: "Пирěн пурнăç"