Публикации » Спортпа туслă çамрăк

30 марта 2016 г.

Хĕрлĕ Чутайри пĕтĕмĕшле пĕлỹ паракан вăтам шкулта 9-мĕш класра вĕренекен Александр Ефремов районти паллă шахматçăсенчен пĕри. Пилĕк çултах вăл шахматпа туслашнă. Çавăнтанпах çак вăййа кăмăллать. Хăй юратнă спорт тĕсĕнче унăн çитĕнỹсем те çук мар. Саша пĕрмаях тĕрлĕ шайри шахмат ăмăртăвĕсене хутшăнса малти вырăнсене йышăнать, медальсене тивĕçет. Районти физкультурăпа спорт комплексне хаваспа çỹрекенскер юлашки вăхăтра, ỹссе яш пулнăçемĕн, кире пуканне çĕклессипе кăсăкланма тытăннă. Юрий Бронюков тренер-преподаватель вĕрентнипе Саша ку енĕпе те пултаруллине кăтартса панă. Çак уйăхра вăл Çĕрпỹ райо- нĕнче иртнĕ республикăри ăмăртăва хутшăнса призер пулнă. 1994-1997 çулсенче çуралнă 58 килограмлă виçе категорийĕнчи каччăсем хушшинче виççĕмĕш вырăн йышăннă. Саша пуласлăхне яваплă профессипе çыхăнтарасшăн, МЧС сотрудникĕ пуласшăн. Шанатпăр, каччă тĕллевĕ пурнăçланатех. А.ДМИТРИЕВА.

Источник: "Пирěн пурнăç"