30 марта 2016 г.
Районта пĕтĕмпе усă курман çĕр лаптăкĕ 5096 гектарпа танлашать. Çакăн йышши çĕрсен 2087 гектарне иртнĕ çул пусă çаврăнăшне кĕртнĕ, вăл шутра ялхуçалăх пред-приятийĕсемпе хресченпе фермер хуçалăхĕсем - 587 гектар, уйрăм хушма хуçалăхсем - 1500 гектар. Кăçал та районта пушă выртакан çĕрсене (1515 гектар) пусă çаврăнăшне кĕртме палăртаççĕ. Çак ĕçе çĕнĕ хресченпе фермер хуçалăхĕсене явăçтарасшăн.
Сăмах май, ĕç пуçаракан фермерсене патшалăх пулăшăвĕпе тивĕçтерес енĕпе халĕ конкурс суйлавĕ, документсене йышăнасси пырать. Юлашки виçĕ çулта ку конкурссене хутшăнса районти ĕç пуçлакан пилĕк фермер пĕр миллионшар укçа-тенкĕне тивĕçнĕччĕ. Кăçал конкурса хутшăнма районти ултă фермер документсем пухса хатĕрленĕ. Камсем тивĕçĕç-ши патшалăх пулăшăвне? Каярахпа пĕлтерĕпĕр.
А.ЗАМУТКИНА.
Источник: "Пирěн пурнăç"