01 апреля 2016 г.
Мартăн 29-мĕшĕнче Питĕркасси ял тăрăхĕн депутачĕсен Пухăвĕн черетлĕ ларăвĕ иртнĕ, унта ял тăрăхĕн пуçлăхне суйлассипе çыхăннă ыйтăва пăхса тухнă. Конкурс комиссийĕн пĕтĕмлетĕвĕпе ял тăрăхĕн пуçлăхĕ пулма Валерий Геннадьевич Михуткинăн кандидатурине тăратнă. Ял тăрăхĕн депутачĕсем çак кандидатурăпа килĕшнĕ, ăна Питĕркасси ял тăрăхĕн пуçлăхне лартма йышăннă.
Валерий Геннадьевич Михуткин 1971 çулта Кỹпеш ялĕнче çуралнă, халĕ Питĕркассинче пурăнать. Аслă пĕлỹллĕ, Мари Республикинчи Политехника институтĕнче вĕреннĕ. Юлашки вăхăтра "МРСК Волги"-"Чăвашэнерго" УАО-н районти уйрăмĕнче инженерта ĕçленĕ. Çемьеллĕ. Мăшăрĕпе ывăлпа хĕр ỹстереççĕ.
А.СЕМЕНОВА.
Источник: "Пирěн пурнăç"