08 апреля 2016 г.
Нумаях пулмасть Пĕтĕм Раççейри ялхуçалăх çыравне халалланă "Переписные истины" викторинăн юлашки тапхăрĕ вĕçленнĕ. Унта çĕршыври регионсенчен пин çын ытла хутшăннă. Палăртма кăмăллă, викторинăн çиччĕмĕш, юлашки тапхăрĕн çĕнтерỹçисен йышне пирĕн ентеш, район администрацийĕн информаци ресурсĕсен секторĕн тĕп специалисчĕ Лариса Зайцева та кĕнĕ. Тĕрĕс хуравсемшĕн вăл, ытти çĕнтерỹçĕсем пекех, укçан премие тивĕçнĕ (3910 тенкĕ).
Лариса викторинăн кашни турне хутшăнма вăхăт тупнă. Ыйтăвĕсем интереслĕ пулнă, хуравĕсене тупас тесен унăн интернет уçлăхне кĕме, официаллă документсене уçса пăхма тивнĕ. Хурав шырани харама кайман - хăйне валли нумай çĕннине пĕлнĕ.
А.ЗАМУТКИНА.