Публикации » Апрелĕн 20-мĕшĕнче - Пĕрлехи информаци кунĕ

15 апреля 2016 г.

Информаци кунне ирттерме пирĕн района ЧР Тĕрĕслевпе шутлав палатин председателĕ Татьяна Минина ертсе пыракан ушкăн килсе çитет. Информкун районти кашни ял тăрăхĕнчех 10 сехетре пуçланать. Ял çыннисем унта хутшăнса хăйсене хумхантаракан ыйтусем пама пултараççĕ. Унăн темисем: - 2016 çулта граждансене социаллă пулăшу памалли мерăсем çинчен; - экологи субботникĕсене, Йывăç кунĕн çуркуннехи тапхăрне, çавăн пекех ялсене тата çул хĕрринчи территорисене, масарсене тирпей-илем кĕртес ĕçе йĕркелесе ирттересси; - Аслă Отечественнăй вăрçăра çĕнтернĕренпе 71 çул çитнине халалланă мероприятисене хатĕрлесе ирттересси пирки; - çурхи ака ĕçĕсем çинчен. Кунсăр пуçне Информаци кунĕнче ялхуçалăх продукцине сутмалли "Çуркунне-2016" уйăхлăха мĕнле ирттерни тата кăçал çуркуннехи-çуллахи тапхăрта пушар хăрушсăрлăхĕпе тивĕçтермелли мерăсем çинчен калаçĕç.

Источник: "Пирěн пурнăç"