20 апреля 2016 г.
Пĕтĕм Раççейри ялхуçалăх çыравĕн пресс-центрĕ кăçалхи апрель уйăхĕн 1-мĕшĕнчен ача-пăча ỹкер-чĕкĕсен конкурсне ирттерессине пĕлтерчĕ. Унта çĕршыври 7-12 çулти ачасем хутшăнма пултараççĕ. Ỹкерчĕксенче çыравпа çыхăннă пулăмсене сăнарлама юрать: çыравçăсемпе тĕл пулни, ыйтусене хуравланă самант, тăван тавралăх, ялхуçалăх, çĕр çыннин ĕç-хĕлĕ, выльăх-чĕрлĕх, кайăк-кĕшĕк тата ытти те. Конкурса хутшăнакан пĕр е темиçе ĕç тăратма пултарать. Ĕçсене 2016 çулхи апрель уйăхĕнчен тытăнса июнĕн 31-мĕшĕччен йышăнаççĕ. Унта хутшăнакансене икĕ ушкăна уйăрнă: 1-мĕшне - 7-9, 2-мĕшне 10-12 çултисем кĕреççĕ. Ачасен сайтра вырнаçтарнă ятарлă формăна çырса тултармалла. Тĕплĕнрех ялхуçалăх çыравĕн пресс-центр сайтĕнче (www.vshp2016.ru) "Ача-пăча ỹкерчĕкĕсен конкурсĕ" уйрăмра паллашма пулать.
Источник: "Пирěн пурнăç"