Публикации » Ташă ушкăнĕсен черетлĕ çитĕнĕвĕсем

20 апреля 2016 г.

Шупашкарта "Вдохновение" ятпа ял çамрăкĕсен пултарулăх фестиваль-конкурсĕ иртнĕ. Республика шайĕнчи конкурса районти ташă ушкăнĕсем те хутшăннă. Районти "Колибри" ташă ансамблĕ тата физкультурăпа спорт шкулĕн спорт аэробикин уйрăмĕнче вĕренекенсен "Спорт "Лайф" коллективĕ "Ташă пултарулăхĕ, халăх ташши" номинацире виççĕмĕш степеньлĕ Лауреат ятне тивĕçнĕ. Çак ушкăнах "Салют" Культура керменĕнче иртнĕ республикăри "Весенняя фантазия - 2016" хореографи конкурсĕнче иккĕмĕш вырăн йышăнса Диплома тивĕçлĕ пулнă. Çак мероприятие Хĕрлĕ Чутай шкулĕнче иккĕмĕш класра вĕренекенсен "Вуселушки" спортпа сывлăх ушкăнĕ те хутшăннă, вăл та Диплома тивĕçнĕ.

Источник: "Пирěн пурнăç"