Публикации » 95-мĕш çуралнă кун

22 апреля 2016 г.

90 тата ун хыççăнхи сумлă юбилейĕсене паллă тăвакансене Раççей Президенчĕ Владимир Путин ячĕпе саламласси районта малалла пырать. Апрелĕн 18-мĕшĕнче Акташ ялĕнче пурăнакан Вера Федоровна Кузьмина хăйĕн 95 çулхи юбилейне кĕтсе илнĕ. Çак ятпа вăл РФ Президенчĕн саламлă Çырăвне йышăннă. Вашават та ырă кăмăллă ветеран çулĕсене пăхмасăр вăй-хăват, çивĕч ăс-тăн упраса хăварнă. Хăйĕн пурнăçĕнче нушине сахал мар курнă ĕç ветеранĕ тата тыл ĕçченĕ. Пурнăçне вăл колхозра ĕçлесе ирттернĕ. Мăшăрĕпе пилĕк ача, виçĕ хĕрпе икĕ ывăл, çуратса ỹстернĕ. Паянхи кун Вера Федоровна Хĕрлĕ Чутай салинче Раиса хĕрĕ патĕнче пурăнать, çывăх çыннисен юратăвĕпе тимлĕхне туять, мăнукĕсен тата кĕçĕн мăнукĕсен çитĕнĕвĕсемпе савăнать.

А.ВАСЮКОВА.

Источник: "Пирěн пурнăç"