06 мая 2016 г.
Паян, майăн 6-мĕшĕнче, хĕрлĕчутайсен 17 çăмăл атлечĕ Чăваш Республикин Кубокĕн ăмăртăвĕсен финалне хутшăнать, вăл Çĕрпỹ хулинче иртет. Çĕрпỹ çĕрĕ çинче тупăшмалли ирĕке районти 16-17 çулхи хĕрсемпе каччăсем апрелĕн 28-мĕшĕнче Çĕмĕрле хулинче иртнĕ зонăри ăмăртăва хутшăнса çĕнсе илнĕ.
Хĕрлĕ Чутай шкулĕнче вĕренекен Юрий Яндайкин, Юрий Степанов тата Алексей Дадюков (вĕрентекенĕ - Эдуард Романов) 100 метрлă дистанцие парăнтарса 1-3-мĕш вырăнсене йышăннă. Çавăн пекех Алексей Дадюков 400 метрлă дистанцире палăрнă, пĕрремĕш вырăн йышăннă. 1000 метрлă дистанцире Питĕркасси шкулĕнче вĕренекен Евгений Вазина çитекенни пулман (тренер-преподавателĕ - Владимир Элеменкин). Çĕн Атикасси шкулĕнче вĕренекен Эльвира Ильина, Анастасия Семенова тата Мария Тимешкова (вĕрентекенĕ - Светлана Петрейкина) зонăри ăмăртусенче 2-4-мĕш вырăнсене йышăннă. Мечĕке инçете перес-сипе Тури Çĕрпỹкасси шкулĕнче вĕренекен Денис Ремизов (вĕрентекенĕ - Иван Сатлайкин) палăрнă, вăл мечĕке 60 метр та 30 сантиметра ывăтнă, 14-15 çулхи çамрăксем хушшинче пĕрремĕш пулнă. Асăннă спорт тĕсĕнче Мăн Этмен шкулĕнче вĕренекен Сергей Ерофеев (вĕрентекенĕ - Николай Михеев) хăйĕн тантăшĕ-сем хушшинче палăрнă, мечĕке 73 метр та 50 сантиметра ывăтса пĕрремĕш вырăн йышăннă. 14-15 çулхи хĕрсем хушшинче Хĕрлĕ Чутай шкулĕнче вĕренекен Диана Михопарова (вĕрентекенĕ - Галина Мидейкина) иккĕмĕш степеньлĕ грамотăна тивĕçнĕ. Çавăн пекех ĕнер районта салтак çулне çитмен çамрăксен республикăри Спартакиади иртрĕ.
А.НИКИТИН, райадминистрацин культурăпа спорт пайĕн специалисчĕ.
Источник: "Пирěн пурнăç"