Публикации » "Пирĕн республика. Тĕп тема" кăларăмра - ялхуçалăх аталанăвĕ

13 мая 2016 г.

Майăн 12-мĕшĕнче "Пирĕн республика. Тĕп тема" телепрограммăн тăваттăмĕш кăларăмĕ эфира тухнă. Хальхинче унта çурхи уй-хир ĕçĕсем тата чăваш аграрийĕсен çĕнĕ проекчĕсем пирки сăмах пынă. Çĕнĕ кăларăмра Чăваш Ен Пуçлăхĕ Михаил Игнатьев республикăри темиçе ялхуçалăх предприятине çитсе курнă, çураки мĕнле пынипе паллашнă. Унсăр пуçне телекуравçăсем регионта хăмла ỹстерсе илес тата ăратлă урхамахсене ĕрчетес йăласем мĕнле чĕрĕлсе вăй илнине курма пултарнă. "Пирĕн республика. Тĕп тема" телепрограммăн тăваттăмĕш кăларăмĕ эфира ĕнер Чăваш Ен Наци телевиденийĕпе 20 сехет те 30 минутра тухнă. Регионти "Россия 1" телеканал эфирĕнче ăна паян ирхи 9 сехетре тата "Россия 24" телеканалпа 18 сехет те 30 минутра курма пулать.

Источник: "Пирěн пурнăç"