13 мая 2016 г.
Ĕç кал-кал пырасси ăна мĕнле йĕркеленинчен нумай килет. Ку енĕпе "Нива" ЯХПК ырă сăмаха тивĕçлĕ. Шăпах коллектив ĕçне лайăх йĕркеленине кура "Нива" хуçалăх ĕçченĕсем май уйăхĕн 10-мĕшĕ тĕлне çурхи пĕрчĕллĕ культурăсене акса пĕтернĕ. Акана вĕсем лайăх агротехника вăхăтĕнче пурнăçланă. Ир пулакан çурхи культурăсене 540 гектар çинче акнă, вăл шутра 30 гектар тулă, 290 гектар урпа, 220 гектар сĕлĕ.
Ака ĕçĕсене "Коминтерн" хуçалăхра 580 гектар, "Свобода" колхозра 220 гектар, "Аккозинское" ЯХПК-ра 230 гектар, Н.Лисаев фермер хуçалăхĕнче 370 гектар çинче пурнăçланă. Районĕпе майăн 11-мĕшĕ тĕлне çурхи пĕрчĕллĕ тата пăрçа йышши культурăсене пĕтĕмпе 2218 гектар (58 процент) акнă, вăл шутра çурхи тулă 757 гектар, урпа 937 гектар, сĕлĕ 524 гектар. Çав хушăрах нумай çул ỹсекен курăксене 1480 гектар, кĕрхи пĕрчĕллĕ культурăсене 530 гектар сỹреленĕ, икĕ пин ытла гектар çĕр сухаланă. Çурхи ака-суха ĕçĕсем малалла пыраççĕ.
А.ДМИТРИЕВА.
Источник: "Пирěн пурнăç"