Публикации » Паян - Пĕрлехи информаци кунĕ

18 мая 2016 г.

Информаци кунне ирттерме пирĕн района ЧР культура министрĕн çумĕ Вячеслав Оринов ертсе пыракан ушкăн килсе çитет. Информкун районти кашни ял тăрăхĕнчех 8 сехет те 30 минутра пуçланать. Ял çыннисем унта хутшăнса хăйсене хумхантаракан ыйтусем пама пултараççĕ. Унăн темисем: - Чăваш Республикин 2016 çулхи бюджет политикин тĕп енĕсем тата экономика атланăвне хавхалантарас, халăхăн пурнăçне лайăхлатас енĕпе пурнăçлакан мерăсем пирки. Кунсăр пуçне Информаци кунĕнче çуллахи вăхăтра Чăваш Енри ачасемпе çамрăксен канăвне, сывлăхне лайăхлатасси тата ĕçлевне йĕркелесси, çуркуннехи-çуллахи тапхăрта республика территорийĕнче пушар хăрушсăрлăхĕпе тивĕçтересси çинчен калаçĕç. Çавăн пекех паян Хĕрлĕ Чутай салин Кивĕ центрĕнче çĕнĕ çуртра вырнаçнă "Хĕвел" ача садĕнче Уçă алăксен кунĕ иртет. Кăмăл тăвакансем çĕнĕ ача садне кĕрсе курма, кунти лару-тăрупа паллашма пултараççĕ.

Хамăр инф.

Источник: "Пирěн пурнăç"